مصر أم الدنيا

‏مصر أم الدنيا

 من أين جاءت تسمية مصر بلقب "أم الدنيا "؟

نكاد نكون مش بنسمع اسم مصر إلا و يتبعها لقب "أم الدنيا" وهي تستحقه عن جدارة كونها أقدم دولة مركزية في التاريخ وصاحبة أول حضارة وتاريخ مُدون ومكتوب.. لكن تسمية مصر بلقب "أم الدنيا" بدأت ازاي؟

في العصور القديمة كان فيه معبودة مصرية أسمها "موت" وهي كانت رمز الأمومة الكونية ولحظة خلق الكون خُلقت "موت" حتى تكون أماً للكون.. وكان أجدادنا المصريين بيقولوا أنه مصر مثل المعبودة "موت"..

أهل الشام وأرض كنعان نقلوا الفكرة دي من المصريين واقتنعوا أنه مصر هي الأم الكونية وأم الخلائق كلها وبقوا بيقلدوا "أم الدنيا" في كل شئ وخاصةً الفينقيين اللي وصل تقليدهم لمصر حد تقديس مصر نفسها وعبادتها..

عن طريق الفينيقيين انتقلت الفكرة إلى اليونان وأصبحت مصر عند اليونانيين مثل "كيوس" يعني بداية الكون عند اليونانيين وأنه مصر هي بداية الحضارة البشرية..

ثم انتشرت الفكرة من اليونان للرومان ثم العرب وباقي الشعوب في العالم وكانوا دايماً بينظروا لمصر بنظرة تقديس،

واعتبارها مهد الكون ومهد كل شئ..

مؤخراً بدأت تظهر تصرفات وأقوال غريبة من إحدى الدول اللي أحد المطربين فيها وصفها بأبو الدنيا كنوع من التعالي على مصر وقال نصاً "اذا كانت مصر أم الدنيا فالسعودية أبوها" 😂😂

الحقيقة مش عارفين ايه اللي ممكن يخلي رموز دولة يبقى كل همهم التقليل من الدول المجاورة ليهم لإثبات أنهم أحسن من الكل بدون منازع..

كون الدوله السعودية عندها مشروع ثقافي لإنشاء دولة على النظام الحديث زي مصر فدة شئ كويس جداً نتمنى لهم التوفيق فيه..

ولكن اياك والتقليل من دولة أتفق البشر على أنها أم الكون ومهد البشرية اللي علمت العالم كله كل شئ حرفياً من أول كتابة الحروف ولا يمكن حصر عظمة هذه الدولة في مجلدات وكتب التاريخ والعلوم..

دولتكم حالفها الحظ منذ أقل من قرن واكتشفت البترول وحالياً بتحاول حكومتكم توظيف

‏هذه القدرات المادية الضخمة بالشكل الصحيح ودة شئ نتمنى لكن التوفيق فيه..

لكن مشروع قائم على "سعودة" تراث الدول المجاورة وفي نفس الوقت الانتقاص من قيمة هذه الدول وتاريخها فهو مشروع حتماً هيكون مكتوب له الفشل..

‏روج لنفسك كما شئت دة حقك لكن لا تستهين بالغير خصوصاً لما تكون مصر اللي الأمم كلها لقبتها بالأم الكونية..

حابب تعمل تراث لنفسك براحتك ونتمنى لك التوفيق لكن مفيش تراث بيقوم على السطو على تراث الغير وكأننا في القرون الوسطى عايشين على النهب..‎

ملك افريقيا🦅

‏Alahly 🦅

King of Africa 

1982🦅

1983

1987🦅

2001🦅

2005🦅

2006🦅

2007

2008🦅

2012🦅

2013🦅

2017

2018

2019–20🦅

2020–21🦅

2021-2022

‎#يحيا_الاهلى

15 نهائي، قياسي لم يحققه أي فريق افريقي،

10 بطولات، قياسي يتسيد بهه الاهلي القاره،

في انتظار النهائي الـ 16 و البطوله 11

بأذن الله

الاسطوره 🦅

محمود الخطيب

اعظم من لمس الكره في مصر و افريقيا و العرب

1-الخطيب متوج كلاعب مع الأهلي ب٢٠ بطولة رسمية ما بين ١٠ دوري و ٥ كأس مصر و ٥ بطولات قارية كبرى و الأهم إن مافيش بطولة ماكانش مؤثر فيها الخطيب و طبعاً مش محتاج أقولك إن مافيش لاعب في تاريخ ناديك يمتلك الرقم ده. 

2-الخطيب مسجل ٣٧ هدف في بطولات إفريقيا للأندية و هو الهداف المصري العربي الأعظم في التاريخ و ضمن قائمة أعظم ٣ هدافين في تاريخ إفريقيا بشكل عام و طبعاً مش محتاج أقولك إن مافيش لاعب واحد في تاريخ ناديك جاب ٣٠ هدف حتى. 

3-الخطيب هو أفضل لاعب في إفريقيا ١٩٨٣ و المتوج بالكرة الذهبية من France Football و بتوثيق CAF و طبعاً مش محتاج أقولك مافيش لاعب مصري واحد في تاريخ الزمالك فاز بالجائزة دي. 

4-الخطيب هو الحائز على الحذاء الذهبي كهداف إفريقيا التاريخي سنة ١٩٨٧ في مسابقات إفريقيا للأندية في الوقت اللي ناديك كان بيتفرج عليه و هو بيستلم الجائزة. 

5-الخطيب مصنف من France Football ضمن أعظم ٣٠ أسطورة كرة قدم إفريقية في التاريخ في قايمة لم تضمن لاعب واحد من أساطير ناديك فيها تخيل ؟ آه و الله مافيش لاعب واحد بس من رموزك يضاهي تاريخ الخطيب حسب الFrance Football و الأرقام.

6-الخطيب مسجل في مسيرته أكثر من ١٨٠ هدف مع النادي و منتخب مصر في الوقت اللي أساطيرك زي حازم إمام مش مكمل ٧٠ هدف أو حمادة إمام اللي مش مكمل ٩٠ هدف أو شيكابالا اللي مش مكمل ١٠٠ هدف مش دول رموزك تقريباً؟

مع احترامنا الكامل لحازم امام والكابتن الكبير حماده امام رحمة الله عليه 

طيب نيجي لنقطة التاريخ الدولي و عمل إيه مع منتخب مصر إنت تعرف إن الخطيب متوج مع منتخب مصر بأمم إفريقيا ١٩٨٦ و مختار ضمن قائمة منتخب إفريقيا في أمم إفريقيا ١٩٨٠ و مسجل مع منتخب مصر ٢٨ هدف ؟ يعني أسطورتك شيكابالا تاريخه الدولي هدفين منهم هدف في ماتش ودي و هدف في ماتش تحصيل و أسطورتك حمادة إمام اللي تاريخه الدولي عبارة عن ٣ أهداف و أسطورتك حسن شحاته اللي تاريخه الدولي عبارة عن ١٤ هدف و أسطورتك حازم إمام اللي تاريخه الدولي عبارة عن ١٥ هدف و جاي تتكلم عن الخطيب اللي تاريخه الدولي و عدد أهدافه مع منتخب مصر أكتر منهم كلهم بفارق الضعف تقريباً عن أقرب لاعب ليه ؟ مع احترامنا برضو للكابتن حسن شحاته والكابتن حماده امام والكابتن حازم امام

يعني الراجل متفوق على أي أسطورة عندك في عدد البطولات الرسمية اللي فاز بيها مع الأهلي، عنده جائزة فردية مافيش لاعب مصري في تاريخ ناديك خدها، جايب عدد أهداف في بطولات إفريقيا للأندية مافيش لاعب واحد في تاريخ ناديك قرب منه، تاريخه الدولي و عدد أهدافه مع منتخب مصر أكتر من معظم اللاعيبة اللي إنت معتبرهم رموزك و أساطيرك، مصنف من France Football ضمن أعظم ٣٠ أسطورة إفريقية في التاريخ في قايمة لم تضمن لاعب واحد بس من أساطيرك، و جاي تتكلم عليه ؟ ده إنت ماعندكش لاعب واحد بس قد الخطيب كلاعب كرة قدم.

#الاهلى_حدوته_التاريخ

ايطاليان زملكاوي الكاذبين

نقلاً عن المحترم قيشو

في رده علي اكاذيب ايطاليان زملكاوي 

ده جزء من أكاذيب ايطاليان👇

كذب يكذب كذبا فهو إيطالين زملكاوي 🤥

دا جزء من بوست طويل فيه كلام ميهمناش، فقطعت الاجزاء اللي هرد عليها:

اولا: دوري 1973/1974 الملغي بسبب حرب أكتوبر

ما شاء الله الزمالك كان قريب من حسم الدوري (اللي كان 34 اسبوع) بمجرد لعب 5 اسابيع فقط منه، دا اية الدوري اللي بيتحسم في ساعتها دا؟ :D

ثم إن حتى في الـ5 اسابيع اللي اتلعبوا، الأهلي كان 8 نقاط (الفوز كان بنقطتين) والزمالك كان 7 نقاط، يعني الأهلي هو اللي كان متصدر أصلا!

 ثانيا: دوري 2011/2012 الملغي بسبب مذبحة بورسعيد

حرس الحدود كان متصدر الدوري بـ37 نقطة من 14 ماتش

يليه الأهلي بـ36 نقطة من 15 ماتش 

وجاء ثالثا الزمالك بـ32 نقطة من 14 ماتش (الماتش الـ15 امام الإسماعيلي الغي والنتيجة 2/2)

فين بقى تخطي الزمالك للأهلي؟ ولا الترتيب عندكم تنازلي (3-2-1) ولا اية؟ 

ثالثا: دوري 2012/2013 الملغي بسبب 30 يونيو

كان على مجموعتين وكل فريق تصدر مجموعته بـ39 نقطة، والدورة الرباعية الحاسمة للدوري مكنتش بدأت حتى، فين الأقرب للحسم؟ 

رابعا: نادي القرن

قولت 100 مرة لو الأهلي استلم جائزة "النادي الأكثر تتويجا في القرن الـ20" يبقي أنا كأهلاوي أشهد إن الكاف دا نصاب، والزمالك سُلب حقه، لكن الأهلي استلم جائزة "نادي القرن" بناء على معايير ونقاط زي أي تقييم كروي في العالم، فمتلتفش انت على معنى الجائزة وتقول 7 أكبر من 9 هه عشان تضحك على المغفلين اللي بيصدقوك رغم كذبك في حقائق ثابتة زي النقاط الثلاثة الأولى، فطبيعي يصدقوك في كلام ملوش ماسكة زي المؤامرات اللي عايشين فيها.

طبعا الزملكاوية هيسيبوا كل الحقائق الرقمية اللي مش هيقدروا يكذبوني فيها في النقاط الثلاث الأولى، وهيدخلوا يتكلموا في نادي القرن عشان دا حوار ملئ بالمؤامرات وهم بيحبوها، وعلى كل حال سبق ورديت على الموضوع دا والفيديو في التعليقات.

◀️ بعد ما تم فضحهم قاموا بتعديل البوست،

لكن بردو بنفس التدليس و تم الرد عليهم 👇

في البوست المعدل :

اولا: قالك لو كسبنا الإسماعيلي هنتخطى الأهلي، ليه هو الماتش عندك بيعمل كام نقطة؟ أنت قبل الماتش 32 نقطة والأهلي 36 ؟ هو الفوز بقى ب5 نقط ولا اية؟ أنت بتجيب معلوماتك من مجلة "ما تزوقيني يا ماما"؟

ثانيا: عدل دوري 12/13 وقالك متصدرين مجموعتهم بس، الحمد لله، لكن قالك بقي "الكل بيقول هينافس على كل البطولات"، بس يا خسارة اللي منعهم الغاء الدوري، طب بالنسبة لبطولة إفريقيا 2013؟ مش كنت معايا في نفس المجموعة وكسبتك 4/2 ؟ وتصدر الاهلي المجموعة وفاز بالبطولة وطلعت أنت تالت المجموعة بفارق الأهداف عن الأخير؟ أنت بتكذب على مين مش فاهم!

ثالثا: واضح إنه مأخدش باله من غلطة دوري 74 ،

#يحيا_الاهلى

الاهلي و مجلس قيادة الثورة

23 يوليو 1952، الرئيس الراحل محمد أنور السادات يذيع البيان الأول للقوات المسلحة،

و منذ ذلك اليوم ارتبط الضباط الأحرار و أعضاء مجلس قيادة الثورة بالنادي الأهلي، حيث ساندهم منذ اللحظة الأولي.

في أعقاب ثورة 23 يوليو 1952،

و تحديدا في عام 1953 قرر مجلس إدارة النادي الاهلي إنشاء مراكز تدريب عسكرية وتبة ضرب نار خلف مدرجات الدرجة الثالثة لملعب كرة القدم، لتدريب الفدائيين المشتركين في معارك منطقة القناة.

في 1954مجلس إدارة النادي الأهلي يقرر منح الرئيس محمد نجيب (أول رئيس لمصر) رئاسة النادي الشرفيه،

-21 أكتوبر 1955، أعضاء مجلس قيادة الثورة بالكامل وفي مقدمتهم جمال عبد الناصر يحضرون مباراة الأهلي والزمالك في الدور الأول من بطولة الدوري موسم 55- 56 ، و انتهت بالتعادل بهدفين لكل فريق، و بلغ إيراد المباراة في هذا اليوم 2576 جنيها، ذهب منها 1216 جنيها لتسليح القوات المسلحة.

-في 4 نوفمبر 1955 قرر مجلس إدارة النادي الأهلي برئاسة أحمد عبود باشا منح البكباشي أركان حرب جمال عبد الناصر رئيس مجلس الوزراء، الرئاسة الشرفية للنادي تقديرا لدوره الوطني،

-في 9 اكتوبر 1955 عرضت الرئاسة الشرفية للنادي على القائمقام أنور السادات .

-أكتوبر عام 1960، الرئيس عبدالناصر و معه ملك أفغانستان في النادي الأهلي لمشاهدة مباراة دولية في الهوكي .

 -في عام 1967، الرئيس عبدالناصر يمنح الأسطورة المايسترو صالح سليم وسام الرياضة من الطبقة الأولي تقديرا لتاريخه الطويل .

نادي الشعب

من زمان إدارة الزمالك معروفه بالفشل،

فتلاقي السينما المصريه تناولت الموضوع

في اكتر من مناسبه،

بداية من فيلم حديث المدينه، و عصام اللي ضاع بسبب فشل الاداره، و بعدها فيلم غريب في بيتي، و مسلسل (في حاجه غلط)

اللي عرض وقتها قوة الأهلي و شعبيته،

رغم أن محمود المليجي كان معروف في الحياه الواقعيه أنه زملكاوي، لكن في المسلسل كان اهلاوي و بيقنع الصبي بتاعه يسيبه من تشجيع الزمالك و يشجع الاهلي العظيم،

الحكايه من زمان مش من دلوقتي،

و كان في حديث مع زامورا

بيتكلم عن شعبية و قوة الأهلي و نجاحه،

‏و بسبب كل ده تم اختراع المظلومين

و اختراع (الاهلي نادي الدوله)، و رغم كل المحاولات لإنجاح الزمالك علي حساب الاهلي

من ايام حيدر باشا و عبد الحكيم عامر،

كلهم فشلوا في الانتصار علي مباديء و قيم الأهلي،

و هيفضل الاهلي لآخر الزمن هو الاقوي و الاعظم بأذن الله،

‎

#يحيا_الاهلى

الاهلي انجازات

 جوائز ‎#الاهلي

المركز الأول في التصنيف الشهري للاتحاد الدولي لتاريخ وإحصاءات كرة القدم :

1️⃣يونيو 2006

2️⃣ يوليو 2007

نادي القرن الأفريقي:

20001️⃣

جائزة جلوب سوكر للنادي الأكثر تتويجًا في الشرق الأوسط :

20201️⃣

أفضل نادي أفريقي في العام :

20051️⃣

20062️⃣

20083️⃣

20124️⃣

20135️⃣

شهادة المطابقة مع المواصفات الدولية

 (ISO 9001:2015)

 (ISO 9001:2020)

‎الافضل في 2021

1️⃣الأهلى المصرى

2️⃣كايزرتشيفز جنوب أفريقيا

3️⃣الترجى التونسى

4️⃣الوداد المغربى

5️⃣صنداونز جنوب أفريقيا

6️⃣سيمبا التنزانى

7️⃣شبيبة بلوزداد الجزائرى

8️⃣مولوديه الجزائرى

9️⃣الرجاء المغربى

🔟شبيبة الجزائرى

#يحيا_الاهلى

Expected goals

 ‏‎#كلام_كوره

Expected goals

الاهداف المتوقعه (في كرة القدم)، xG

في عام 2012 قدم Sam Green من (opta) فكره الـ xG كمقياس في تحليلات كرة القدم .

ملحوظه: قبل كل شيء عايز اصحح الفكره الغلط عن الـ xG

و هي أن الـ xG (يقوم بقياس جوده الفرصه و ليس النتيجه المتوقعه).

‏-الـ xG يعتمد علي القياس من 0 : 1 مثلا لتحديد جودة الفرصه لاحرازها هدف في مكان معين من الملعب و وقت محدد، الصفر هو استحالة إحراز الهدف مع التدرج حتي الوصل الي (1)، 

و من الـ الصفر حتي الوصول إلي الرقم واحد هناك (10) فرص يمكن فيها التسجيل،

يعني لو باستخدام الـ xG لفرصه إحراز هدف هي 0.2 xG

فمعني ذلك أن من كل عشر مرات من هذا المكان قد يتم تسجيل هدفين .

الخلاصه :

-تمكنا الـ xG من تقييم الفرق، والتنبؤ بالأداء،

-تساعدنا في تقييم اللاعبين الفرديين،

الـ xG بيعتمد علي خبرات سابقه للاعب الجمهور كونها عنه،

انت و بتتفرج مثلا بتقدر تحكم و تقول المفروض كان يحبها جون احنا ضيعنا فرصتين لو عيل صغير يجيبهم،

ف الـ xG بالشعبي كده هي إمكانية تحويل الشوطه (التسديده) الي هدف

و ده معناه التسديد أساس الـ xG

مفيش تسديد مفيش xG

علشان كده ظهر الـ shoots on target

و تحليلها و مدي جودتها و قوتها،

و الـ xG بيعمل كده من خلال :

-التسديده كانت باليمين و لا بالشمال و هل اللاعب بيلعب بيمينه و لا شماله

-النسديده بالقدم و لا بالرأس

-مكان الاسديه و بعدها عن المرمي

-مكان حارس المرمي

‏-التسديده بعد مراوغه و لا من كره ثابته،

-نوع الخلاصه قبل التسديده

-مكان لاعب موجود بين المسدد و الحارس

كل دي حاجات بيعتمد عليها الشركات المختصه في تحليلات الفرق و اللاعبين،

و من خلالها بيقدروا يحددوا كمان أو التنبؤ بأداء الفرق في الدوري (xPTS)

‏و كمان من خلال هذا التحليل بيقدروا يتنبؤا

expected goals conceded 

او احتمالية الاهداف المستقبلة

اخيراً الـ xG محتاجه مجهود و عمل كبير

و من أكثر الشركات في مجال الـ xG

 شركة Statsbomb

شركة Opta

و كل شركة لها طريقة عمل مختلفه عن الأخري

‏شركة Statsbomb

تعتبر من ادق الشركات العامله في الـ xG

 في السوق لانها بتاخد في اعتبارها اماكن المدافعين والحارس وزوايا جسمهم وضغطهم على المسدد وقت التسديدة و مؤخرا أضافت ارتفاع الكوره عن الأرض .

بعكس Opta اللي بتعتمد بس على مكان التسديد .

‏ده المقال اللي كتبه Sam Green في عام 2012 ممكن تقرأه من هنا 👇

statsperform.com/resource/asses…

‎‎

كرة القدم

-كرة القدم هي الأوبرا التي يعزفها البشر جميعاً.

 -لن تتعب عندما تهاجم بنفس المقدار التي ستتعبه وأنت تلاحق من أجل استعادة الكرة.

-ستكون كرة القدم الأجمل لو اخترعنا كرة تركل اللاعبين الذين لا حاجة لهم في الملعب.

-يعتقد البعض أن كرة القدم مسألة حياة أو موت؛ للأسف هذا يجعلني حزيناً، فهي أكثر من هذا بكثير.

-في كرة القدم كل شيء معقد ما دام هناك خصم.

-أحب مباريات كرة القدم المعادة، حتى أقوم من البداية بتشجيع الفريق الذي سيفوز.

-إن الأمور ليست واضحة ولا نظيفة في عالم كرة القدم الآن، والعديد من الناس يدركون هذه الحقيقة.

-بدون كرة القدم، حياتي لا تساوي شيئًا.

-ليست هناك فائدة في صنع التوقعات، الأمر لا يستحق التكهن؛ لأنه لا يوجد شيء مكتوب في الحجر، وتتغير الأمور طوال الوقت في كرة القدم.

-اليوم هناك فرص لا أحد يعرف ما إذا كانت ستأتي مرة أخرى في المستقبل.

-أنا لا ألعب كرة القدم للفوز بجائزة الكرة الذهبية، ألعب كرة القدم لأكون سعيدًا، لأنّني أحبها وأريد لعب كرة القدم.

-كان والدي يقول لي دائماً إنني أحب الكرة أكثر مما أحب لعب كرة القدم، منذ أن كنت طفلاً صغيراً،

-كرة القدم فسحة تنفس تتيح للوطن المتفتت أن يلتئم حول مشترك ما.

-في فترة من الفترات، كنت أبكي لأني لا أملك حذاء للعب كرة القدم مع أصدقائي، وفي يوم ما رأيت رجلاً بلا قدمين، عندها عرفت كم أنا غني. 

-ليس المهم أن تفوز ولكن المهم أن تلعب.

-المهزوم إذا ابتسم، أفقد المنتصر لذة الفوز.

-لا تجعل الكرة عبئاً عليك والعبها للمتعة.

-الكرة لتركل وعقلك لتفكر به، فلا تخلط بينهما.

-ليس شرطاً أن تكون رياضياً، المهم أن تمارس الرياضة.

-تبني الرياضة كل جسم ناحل.

-إن الرياضة مصنع العقلاء. 

-على صخرة الرياضة تتحطم جميع الشهوات. 

-العقل السليم في الجسم السليم. 

-الحصول على لاعبين جيدين أمر في غاية السهولة، إلا أن الجزء الأصعب يتمثل في جعلهم يلعبون سوية. 

-عبارات تحفيزية رياضية لا تعش في الأحلام والأوهام، بل ابدأ العمل لتحقيق أهدافك. 

-ممارسة التمارين الرياضية لا تزيد فقط من نشاط الجسم، بل ترفع كذلك من درجة تنبيه وتركيز العقل، فيسير كل شيء بشكل أفضل. 

-التمرين الرياضي الوحيد الذي يجب أن تندم عليه، هو تمرين لم تقوم بأدائه.

-اللياقة عملية تسير ببطء، فلا تيأس وواصل في نفس الطريق دون توقف.

-قوة الإرادة مثل عضلات الجسم، كلما حرصت على تدريبها وتمرينها، أصبحت أقوى. 

-من لم يفشل لن ينجح. ربما تفشل إذا خاطرت، ولكن من المؤكد أنك ستفشل إذا لم تخاطر.

-الحلم هو مجرد حلم، أما الهدف فهو حلمٌ له خطّه وموعد نهائي لتحقيقه . 

-الرجل هو من يعرف أنه مغلوب، ويستطيع أن يغوص في أعماق روحه، ويستخرج منها قوة إضافية ليفوز في المباراة. -الميداليات الذهبية لم تصنع من الذهب، بل هي تصنع من العرق و الإرادة والأهم القدرة على المواجهة. 

-كلما كان الانتصار أكثر صعوبة كلما كانت فرحة الانتصار أكبر. -لا شيء مستحيل،

-ما زال الوقت طويلاً.

-بالروح القتالية والروح الوطنية سوف نصل إلى العالمية. 

-الفوز الصعب من شيم الرجال.

-يا نجومنا الأحباب أمتعونا بفن اللعب.

-تفاءلوا بالخير تجدوه. 

-عندما يريد الرجل أن يقتل نمراً يسميها رياضة، وعندما يريد النمر قتله، يسميها شراسة.

-العب دائمًا من أجل الفوز، سواء كان هذا خلال التدريب أو المباراة الحقيقية. 

-تذكر أنّ أي لاعب فائز مهما كان فوزه رائعاً، لن يستطيع أن يكسب دائماً بنفس الأسلوب .

74♥️

‏‎#الـ74

في القلب 👇

محمود غندور

محمود سليمان

كريم جونیور

اسلام علوان

احمد يوسف

مصطفي عصام

سيد جودة

رشدي الفنان

انس محي الدين

كريم خزام

خالد الرسام

يوسف البطل

مصطفي جمال شعبان

عبد الرحمن فتحي

محمد عبدالله

أحمد فوزي

مصطفي عبود

ابراهيم حلمي

محمد مصطفي

 احمد وجيه

عمر عمرو

‏محمود صابر

معطي الرفاعي

محمد سري

أمجد السيد

زياد جمال الدين

مصطفي متولي

حسين محمد السيد

 محمد خاطر

حسام الدين السيد

محمد علي

احمد عبد الحميد

مصطفي السعيد

خيري فتحي

حسن فهمي

سمير عاطف 

العربي كمال

مهاب صالح

احمد زكريا

محمد اشرف

اسامة محمد مصطفي

مصطفي محمد يوسف

اسلام محمود

‏محمد فرغلي

احمد اسماعيل

عمر على

مصطفي نصر

محمد عبد النبي

احمد محمد صالح

كريم المليجي

محمد جمال

اسلام حسن

عمرو عطا

احمد عزت

سعد جمال

محمد حسین

حامد فتحي

احمد طه

محمد الشربجي

ايمن هيبة

ممدوح البنداري

باسم الدسوقي

محمد خالد

كريم عبدالله

محمد محمود

احمد الشابوري

محمود سلامة

محمد محروس

احمد اسامة

سليمان احمد

محمد ناصر

سعيد محمد

اسامة احمد

محمد مصطفي كاريكا

المجد للشهداء