"الزمالك أصلا مش محتاج مجلس إدارة لإن المؤسسات بتعمله كل حاجة مش بتخليه محتاج حاجة" ..
تعالوا نشوف طيب 👇
البداية مع موقع سكاي نيوز في 11 ديسمبر 2020 وبعد تولي اللجنة المؤقتة إدارة النادي.
ديون الزمالك مليار ونصف المليار جنيه حسب بيان رسمي وعلى قناه الزمالك...
في اغسطس 2021 حسين لبيب قال انه الديون تجاوزت ال500 مليون جنيه, وطبعا مستحيل يكون الزمالك سد مليار جنيه خلال 9 شهور ولكنه مش حاسب كل الجهات اللي ليها مستحقات.
🚨في7 مارس 2021 وزير الشباب والرياضة أشرف صبحي قال وفرنا 100 مليون جنيه للزمالك. والتصريحات متلفزة في برنامج الحكاية مع عمرو أديب.
🚨في اغسطس 2021 الزمالك حصل على قرض بقيمة 70 مليون جنيه من بنك مصر, ومحمد الاتربي رئيس مجلس ادارة بنك مصر كان من اعضاء اللجنة اللي بتدير النادي.
تصريح حسين السيد ساعتها وقال انه الخزينة كان فيها 12 الف جنيه. وخليك فاكر الرقم دا اللي بقى فجأة 400 مليون زي ماصرح أمير مرتضي منصور..
🚨في 2020 قرينا الخبر المعتاد والسنوي بتاع اتحاد الكرة يوافق على جدولة ديون الزمالك 30 مليون لإنهاء أزمة القيد
الديون اتجدولت لدرجة انها بعدها بسنة بقت 50 مليون شوف خبر الاهرام
وطبعا وصلت في 2022 لـ 78 مليون وقرينا الخبر المعتاد عن الجدولة..
🚨في أوروبا مثلا في أندية بتهبط درجة واتنين وتلاتة لمجرد عجزها عن تسديد الديون, ولكن في مصر حصرا مع الزمالك كل سنة الديون بتزيد فبيعملوا نفس الحل وهو الجدولة والخبر العبيط بتاع دفع جزء اللي هو ممكن يبقى اتنين جنيه ونص مثلا.
طبعا بتكلم عن ديون الاتحاد فقط.مش المليار ونص اللي فوق.
الكلام دا كمان بعيدا عن الشركة الراعية اللي في الوقت اللي فيه اندية بتفلس ومعندهاش تدفع فلوس لاعيبتها وصفوا الفريق اساسا زي المقاصة أو حتى الأهلي نفسه مبيخدش مستحقاته وباقي الفرق, الشركة الراعية كانت بتدفع للزمالك فلوس مقدما قبل مواعدها ودا حسب تصريحات ابراهيم عبدالله اول سكرين.
🚨وزير الرياضة وممثل الدولة بيقعد مع لاعيب أجنبي علشان يجدد. سابقة تاريخية وعمرها ماحصلت في أي بلد في العالم,الطريف في الموضوع إنه ساسي نفضله ومجددش برضو, حتى مع اللجنة الجديدة وال100 مليون الجديدة.
🚨في ديسمبر 2020 الشركه الزراعيه منحت الزمالك 40 مليون من الموسم الجديد إللي كان لسة هيبدأ بعد 8 ولا 9 شهور ...
🚨في 2 اغسطس 2022
أحمد مرتضي قال :
لا يوجد أي أموال على الزمالك، وقضايا الفيفا تم إغلاقها بنسبة 100% وقمنا بتسديد جميع المستحقات والمديونيات، تقريبًا سددنا فوق الـ300 مليون جنيه كمستحقات متأخرة.
دا غير الميزانية ال400 مليون اللي أمير قالها..
على نادي عليه ديون أكتر من مليار ونص؟
#ball_talk
اتفرج علي الصور لتأكيد الكلام 👇
ليست هناك تعليقات:
إرسال تعليق