(١) معايير الاتحاد الافريقي لاختيار نادي القرن والمسماه ( بالنقاط ) ظهرت في سنة 1994 ، كان ايه الوضع بقي ساعتها ، كان الاهلي معاه 7 بطولات افريقية والزمالك معاه 4 ...
يعني نظام النقاط دا وقت إعلانه كان ضد مصلحة الاهلي وفي صالح الزمالك نفسه، ودا لأن بعدها فاز الزمالك ب 5 بطولات أفريقية لحين إعلان نادي القرن ...
السوبر الافريقي 94 علي الاهلي ، ودوري أبطال أفريقيا 96 علي شوتينج ستارز النيجيري ، والسوبر الافريقي 97 علي المقاولين ، والافرواسيوي 97، وكأس الكؤوس الإفريقية 2000 علي كانون ياوندي الكاميروني وفي ديسمبر 2000 تم إعلان نادي القرن ...
والسؤال هنا بقي، هو ليه الزمالك معترضش في 1994 عالمعايير طالما هي وحشة كدا ، وليه الاهلي وافق طالما هو المتصدر في البطولات وطالما دي معايير " مضحكة " ...
(٢) تعرف أن انسحاب الاهلي من بعد السوبر الافريقي 1994 كان سبب في حصول الزمالك علي بطولتين من ال 9، ودا لأن موسم 94-95 المحلي الاهلي فاز بالدوري ولأنه منسحب شارك الزمالك مكانه وكسب بطولة إفريقيا 96 وبالتبعية السوبر الافريقي بعدها ودا اكبر دليل أن كابتن صالح سليم ماكنش في دماغه اصلا ...
وهنا سؤال ، هل الاهلي كان متفق مع الاتحاد الافريقي قبل ماتش السوبر 94 أن الاهلي ينسحب فالزمالك هيستفاد فمعلش اعملوا نظام تفصيلي ؟ ولا الاتحاد الافريقي عرف المستقبل ؟
(٣) لحظة اعلان المعايير في 1994 كان الاهلي الاول بالنقاط وبالبطولات كمان والمفاجأة بقي ان التاني كان اشانتي كوتوكو والتالت كان كانون ياوندي يعني الزمالك ماكنش موجود في المنافسة حتي ساعتها ودا يفسرلك ليه للزمالك معترضش ...
(٤) تعرف أن اختيار نادي القرن واللي فاز بيه ريال مدريد كان بالتصويت وكان معتمد علي اسلوب النقاط برضو، وخد المفاجأة تعرف انهم كانو مدخلين البطولات المحلية من ضمن المعايير كمان
في لحظة تتويج الريال كان معاه 10 بطولات ، بعده الميلان 8 ، بعده الليفر 7 ، واياكس 7 ، بعده الانتر 5 ، بعده البايرن 4 ، اليونايتد معاه 3 بطولات بس ، برشلونة 3 بطولات بس برضو
عارف بقي الترتيب كان ايه !؟
الريال - يونايتد - بايرن - برشلونة - اياكس ..وميلان العاشر والليفر مركز 13 ...
هل كابتن احمد عفيفي عنده علم بالكلام دا ؟
اعتقد لا، لان لو هو عارفه تبقي مصيبة ...
ليست هناك تعليقات:
إرسال تعليق