راح نابولي و هو نادي أقل من العادي..كل رصيده من البطولات بطولتين كأس إيطاليا..واخدهم سنة 62 و 76..
- نادي نازل درجة تانية مرتين سنة61 و 63..
- نادي أقصى طموحه إنه يبقى ضمن العشرة الأوائل، في موسم 82/ 83 كان نابولي في المركز التاسع، وفي الموسم اللي قبل مارادونا 83/ 84 كان المركز 12 بفرق نقطة واحدة عن مراكز الهبوط
مارادونا مضى عقده مع نابولي في (قارب) في خليج نابولي مقابل رقم قياسي جديد (أغلى لاعب في العالم للمرة التانية) بمبلغ 6.9 مليون إسترليني لمدة 7 مواسم..وأثناء توقيعه طلب منه رئيس النادي (كورادو فيرلاينو) 3 حاجات :"أريد الفوز بالدوري الإيطالي والفوز على يوفنتوس والتتويج ببطولة أوروبية"
مارادونا راح لنابولي في أول موسم 84/ 85 خد معاهم المركز التامن في الدوري الإيطالي..و بعدين المركز التالت 85/ 86..لحد ما فاز معاهم بالثنائية الدوري و الكاس سنة 86/ 87..وحقق أول أمنيتين لرئيس النادي بالفوز بالدوري و الفوز على يوفنتوس..
انت متخيل يعني إيه فريق زي ده يعمل كده في سنتين ؟؟؟!!
..المهم..موسم 87/ 88 خد وصيف الدوري..و مارادونا فاز بلقب هداف الدوري الإيطالي..و تاني وصيف الدوري 88/ 89..و فااااز بكاس الاتحاد الأوروبي علشان يحقق لرئيس النادي تالت أمنية ليه..
و في موسم 89/ 90 خد الدوري كمان مرة و السوبر الإيطالي..
مارادونا تقديرا لتاريخه مع نابولي..النادي حذف نهائيا التيشيرت رقم 10 من الفريق..محدش يلبسه بعد مارادونا تقديرا له..
لا رونالدو ولا ميسي..هيبقوا زي مارادونا..
- فارق كبيييير بين طيار ممتاااااز في سواقةالطيارات(برشلونة/الريال/اليونايتد/يوفنتوس..).
و بين واحد خد موتوسيكل (نابولي)..طار بيه في السما زي الطيارة..
مارادونا كان لوحده في نابولي..(لوحده) لا كان معاه سكولز و لا جيجز و لا كين و لا مودريتش و لا راكيتيتش و لا زافي ولا انيستا ولا ديبالا ولا فيجو او زيدان و لا ...ولا....
- عرفتوا ليه [بيليه] نفسه كان بيقول على مارادونا: [أفضل من لعب كرة قدم في الكون]..
ليست هناك تعليقات:
إرسال تعليق